Пхеньянни валюта билан таъминлашга масъул бўлган Шимолий кореялик мансабдор Европа мамлакатларидан бирида бўлиб турган пайт ғойиб бўлди. Бу ҳақда «ТАСС» хабар бермоқда.
Жанубий Корея ОАВлари манбаларига кўра, гап Корея Меҳнат партиясининг бутун дунё бўйлаб турли иқтисодий операциялардан келадиган валюта тушумлари билан шуғулланадиган 39-бўлими ходими ҳақида кетмоқда.
Таъкидланишича, у шу йил июнь ойида икки ўғли билан расмийлари уларга ҳимояда бўлишларини таъминлаб берган Европа давлатларидан бирида йўқолиб қолган. Мансабдор мазкур мамлакатда охирги 20 йил давомида ишлагани ва қўл остида бўлган миллиардлаб долларлар билан ғойиб бўлгани тахмин қилинмоқда.
Эслатиб ўтамиз, олдинроқ Лондонда Шимолий Кореянинг юқори мартабали дипломати оиласи билан йўқолиб қолгани маълум қилинганди.
Изоҳ (0)