АҚШ ҳарбий тиббиёти муваффақиятлари туфайли Қуролли кучлардаги ярадорларнинг тирик қолиши 92—93 фоизга етди. Бу ҳақда АҚШ қуруқликдаги қўшинлар ҳарбий тиббиёт хизмати бошлиғи, генерал-лейтенант Надиа Уэст маълум қилди, дея хабар беради «ТАСС».
«Қуролли кучларда ярадорларнинг бунча фоизи омон қолиши тарихдаги энг юқори кўрсаткич ҳисобланади. Мазкур рақамлар ҳозирда америкалик аскарларга қарши қўлланаётган қурол-аслаҳаларнинг вайронкор қудрати, улар олаётган жароҳатлар инобатга олганда катта аҳамиятга эга. Бундай шароитларда ҳарбий тиббиёт эришаётган ютуқлар ҳисобига яшаб қолиш даражасини ҳар қанча олқишласа арзийди», — дея таъкидлаган Уэст.
Таққослаш учун, АҚШ Қуролли кучлари сафларидаги ярадорларнинг тирик қолиш даражаси Иккинчи жаҳон уруши йилларида 70,7 фоизни ташкил этган. Кореядаги уруш чоғида бу кўрсаткич 78,2, Вьетнамда эса 76 фоиздан иборат бўлган.
Изоҳ (0)