Дунёнинг энг йирик брендлари ва ҳатто бир нечта шаҳарлар донорлик ва қон етишмаслиги муаммоларига эътибор қаратишга бағишланган жаҳон акциясига қўшилиб, ўз номларидаги А, B ва О ҳарфларини вақтинча олиб ташлади, деб ёзади TJournal.
#MissingType хэштеги остида ўтаётган акцияни Британиянинг Engine Group PR-агентлиги Лондон қон қуйиш маркази (NHS Blood and Transplant) билан ҳамкорликда ўйлаб топди. У 16—21 август кунлари бўлиб ўтади ва 21 та мамлакатни қамраб олиб, дунёнинг энг йирик донорлик марказларини бирлаштиради.
Кампанияда иштирок этиш учун, унинг муаллифлари ижтимоий тармоқлардаги никнеймлардан А, B ва О ҳарфларини (қон гуруҳларини билдирувчи халқаро белгилар) вақтинчалик ўчириб ташлашга чақирмоқда. Кампаниянинг расмий шиори қуйидагича: «Аs, Оs ва Bs’сиз биз ҳеч киммиз. Очиқ жойларни тўлдиришга ёрдам беринг».
Ҳаракатга кўплаб йирик халқаро корпорациялар қўшилди ҳамда ўз логотип ва номларидаги тегишли ҳарфларни олиб ташлади.
Кампанияда нафақат брендлар, балки Амстердам ва Торонто каби шаҳарлар ҳам иштирок этди.
Австралияда эса телебошловчилар исм-шарифлари ва янгилик титрларидаги А, B ва О ҳарфларини олиб ташлашди.
Изоҳ (0)