АҚШ аэронавтика ва коинот кенгликларини ўрганиш миллий бошқармаси (NASA) Марсга бўлажак парвозлар учун мўлжалланган роботнинг виртуал моделини яратиш учун танлов эълон қилди. Танлов ғолибига 1 миллион доллар ваъда қилинган, дея хабар беради «ТАСС».
Ишланмалар учун асос сифатида NASA мутахассислари томонидан тайёрланган Robonaut 5 версиясини олиш таклиф этилди. Танлов қатнашчилари ўзларининг виртуал нусхаларини Ерда лаборатория шароитида ишлаб чиқилган қатор вазифаларни бажаришга ўргатишларига тўғри келади. Жумладан, гап кемада сайёра билан алоқа йўқолишига олиб келадиган вазият рўй берганда амалга ошириладиган ҳаракатлар ҳақида кетмоқда.
«Алоқа билан муаммолар шароитида фаолият кўрсатишга қодир аниқ ва самарали робототехника коинот парвозлари ҳамда Марсга экспедицияларда қўлланиши мумкин. Вазифа астронавтлар учун ўта муҳим аҳамиятга эга хавфли ва мураккаб топшириқларни бажаришдан иборат», — дея таъкидлади NASA Centennial Challenges дастури менежери Монси Роман.
Маълумот учун, NASA 2030 йиллар ўрталарида Orion кемаси ва SLS ташувчи ракетаси ёрдамида инсоннинг Марсга илк парвозини амалга оширишни мўлжалламоқда.
Изоҳ (0)