Исроилнинг Israir авиакомпаниясига тегишли самолёт двигателларидан биридаги носозлик туфайли Давид Бен-Гурион номидаги аэропортга авария ҳолатида қўнди. Унинг бортида 118 нафар йўловчи бўлиб, у Сочидан парвоз қилган эди. Бу ҳақда Исроил телевидениеси Тўққизинчи канали маълумотига таяниб, «ТАСС» хабар бермоқда.
«Israir компаниясининг Сочидан келаётган самолёти 16 август куни Бен-Гурион номидаги аэропортга қўнди», — деб маълум қилади телеканал.
Қўниш фавқулодда ҳолат режимида амалга оширилган, чунки ерга қўнишдан бироз аввал экипаж двигателлардан биридаги носозлик ҳақида парвозларни бошқариш пунктига маълум қилган.
Бортида 118 нафар йўловчи бўлган самолёт муваффақиятли қўнган. Йўловчилар ва экипаж аъзоларидан ҳеч ким жабрланмаганлиги маълум қилинмоқда.
Изоҳ (0)