Суриянинг Алеппо шаҳри ва унинг атрофларида икки миллионгача бўлган киши гуманитар ёрдамга муҳтожлик сезмоқда. Бу ҳақда БМТ бош котиби расмий вакилининг ўринбосари Фархан Ҳақ маълум қилди, дея хабар беради «ТАСС».
«БМТ Алеппо ва унинг атрофидаги қишлоқ жойларида яшовчи 2 миллион кишининг мушкул аҳволидан ташвиш билдирмоқда. Шаҳарда, жумладан, июль ойида мазкур ҳудудга олиб борувчи ягона Кастелло йўли бекилгач 270 минггача бўлган одам қамалда қолган шаҳар шарқидаги гуманитар вазият ўта ачинарли», — дея таъкидлади Фархан Ҳақ.
Расмий вакил ўринбосарининг билдиришича, ҳукумат томонидан назорат этиладиган ғарбий Алеппода ҳам вазият қониқарли эмас. БМТ маълумотларига кўра, бу ерда 1,2—1,3 миллион киши истиқомат қилади.
Изоҳ (0)