Россиянинг узоқ масофага учувчи ва Эрондаги аэродромдан кўтарилган бомбардимончи самолётлари ИШИД ва «Жабҳат ан-Нусра» объектларига авиазарбалар берди. Бу ҳақда Россия мудофаа вазирлиги маълум қилди, дея хабар бермоқда «Интерфакс».
«16 август, сешанба куни Эрондаги ‘Ҳамадон’ аэродромидан тўлиқ бомба юкламаси билан учган узоқ масофага учувчи Ту-22М3 ва Су-34 фронт бомбардимончилари ИШИД ва ‘Жабҳат ан-Нусра’ гуруҳларининг Алеппо, Дайр-аз-Зор ва Идлиб вилоятларидаги объектларига ялпи авиазарбалар берди. Бомбардимонлар натижасида йўқ қилинган қурол-яроғ ва ўқ-дори омборлари, тайёргарлик ва бошқарув пунктлари Алеппода ҳаракат қилаётган жангариларни таъминлаш учун фойдаланилган», — дейилади вазирлик хабарида.
«Ҳамадон» аэродромида Россиянинг Ту-22М3 самолётлари жойлаштирилиши (улар камида учта эканлиги тахмин қилинади) парвоз вақтини 60 фоизга қисқартиши ва бомба юкламасини ошириши билдирилмоқда. Аэродромдан Суриянинг марказий қисмигача бўлган масофа 900 километрдан иборат.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)