Rossiyaning uzoq masofaga uchuvchi va Erondagi aerodromdan ko‘tarilgan bombardimonchi samolyotlari IShID va “Jabhat an-Nusra” obyektlariga aviazarbalar berdi. Bu haqda Rossiya mudofaa vazirligi ma’lum qildi, deya xabar bermoqda “Interfaks”.
“16-avgust, seshanba kuni Erondagi ‘Hamadon’ aerodromidan to‘liq bomba yuklamasi bilan uchgan uzoq masofaga uchuvchi Tu-22M3 va Su-34 front bombardimonchilari IShID va ‘Jabhat an-Nusra’ guruhlarining Aleppo, Dayr-az-Zor va Idlib viloyatlaridagi obyektlariga yalpi aviazarbalar berdi. Bombardimonlar natijasida yo‘q qilingan qurol-yarog‘ va o‘q-dori omborlari, tayyorgarlik va boshqaruv punktlari Aleppoda harakat qilayotgan jangarilarni ta’minlash uchun foydalanilgan”, — deyiladi vazirlik xabarida.
“Hamadon” aerodromida Rossiyaning Tu-22M3 samolyotlari joylashtirilishi (ular kamida uchta ekanligi taxmin qilinadi) parvoz vaqtini 60 foizga qisqartishi va bomba yuklamasini oshirishi bildirilmoqda. Aerodromdan Suriyaning markaziy qismigacha bo‘lgan masofa 900 kilometrdan iborat.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)