«Ўзбекистон ҳаво йўллари» буюртмасига асосан тайёрланган икки Boeing 787 Dreamliner самолётларидан дастлабкиси илк бор парвоз қилди. YouTube видеохизматида Ўзбекистонга тегишли Dreamliner’нинг парвози билан боғлиқ икки видео эълон қилинган.
Boeing Test Flights блоги маълумотларига кўра, парвоз 12 август куни амалга оширилган, лайнер Boeing Эверетт заводи ёнидаги Пейн-Филд аэропортидан ҳавога кўтарилиб, қарийб икки ярим соат учиб, Грант округи халқаро аэропорти орқали яна Пейн-Филдга қайтган.
Аввалроқ Ўзбекистоннинг биринчи Dreamliner самолёти бўёқдан чиқарилгани ҳақида хабар берилган эди. Dreamliner’ларнинг дастлабкиси Ўзбекистонга август ойи охирида етказиб берилиши кутилмоқда.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)