2016 йилнинг 4 февраль куни Тошкент вилояти ҳокими этиб тайинланган Содиқ Абдуллаев эгаллаб турган лавозимидан озод этилди, дея хабар бермоқда Ўзбекистон ҳукумати портали.
«Ўзбекистон Конституциясининг 93-моддаси 15-банди ва 102-моддаси ҳамда Ўзбекистон Президентининг 12 августдаги фармонига мувофиқ Содиқ Абдуллаев Тошкент вилояти ҳокими лавозимидан озод этилди», — дейилади ҳукумат ахборотида.
Содиқ Абдуллаев Тошкент вилояти ҳокими этиб тайинлангунига қадар вилоятнинг Зангиота туманига ҳокимлик қилган эди. У Тошкент вилояти ҳокими лавозимида Аҳмаджон Усмоновни алмаштирган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)