Buyuk Britaniyadagi aviashou chog‘ida samolyot dengizga qulab tushdi

Britaniyaning Kent grafligida bo‘lib o‘tayotgan aviashou chog‘ida kichik samolyot suvga qulab tushdi, deb yozadi “RBK”.

Voqea Buyuk Britaniyaning janubi-sharqiy sohillarida yuz berdi. Parvoz chog‘ida bir o‘rindiqli yengil samolyot pastlay boshladi va natijada suvga quladi.

Hodisa bir necha ming tomoshabin ko‘z oldida sodir bo‘ldi, ularning ba’zilari uchuvchiga yordam berish uchun sohilga yugurib bordi. Voqea joyiga tibbiy vertolyot ham yetib keldi. Uchuvchi deyarli hech qanday jarohat olmagani ma’lum bo‘ldi va uni suvdan eson-omon chiqarib olishdi.

Samolyot ham quruqlikka tortib chiqarildi.

Hodisa yuzasidan tekshiruv boshlandi, politsiya uchuvchiga murojaat qilib, vaziyatga oydinlik kiritishni so‘radi.