Хитойда 30 миллиондан ортиқ одам бошпана топиш мақсадида ғорларда истиқомат қилмоқда. Бу ҳақда «ABCFact.ru» хабар бермоқда.
Таъкидланишича, ғорлардаги ҳаёт тасаввур қилинадиганидан кўра анча қулай. Шэньси провинциясида жойлашган лёсс платолари хилма-хиллиги билан ажралиб туради. У ерда сарғиш юмшоқ тоғ жинсларидан иборат қоялар одамларга бошпана бўлиб хизмат қилади. Уларнинг кўпчилиги ғорларини ғишт билан мустаҳкамлаган.
Айримлар бир қанча ғорларни бирлаштириб, анча катта яшаш майдонига эга бўлган. Баъзи ғорларда эса ҳатто сув ва электр таъминоти мавжуд.
Ғорлар қишда иссиқ, ёзда салқин бўлади. Бундан ташқари, улар экологик тоза яшаш макони ҳисобланади.
Шу жиҳатлари туфайли уй-жой олди-сотдиси билан шуғулланувчилар учун ғорлар яхши инвестицион имкониятлар очиб беради, дейилади хабарда. Масалан, 70 квадрат метрлик ғор 50 минг доллар туради.
Изоҳ (0)