АҚШ президентлигига номзод Ҳиллари Клинтон 2015 йилдаги даромадлари ҳақида ҳисоб берди. Бу ҳақда собиқ биринчи хонимнинг сайлов штаби вакили Женнифер Палмьери маълум қилди, деб ёзади «Ведомости».
Эр-хотин Клинтонларнинг 2015 йилдаги умумий даромади 10,5 миллион доллардан зиёдни ташкил этди. Клинтонлар даромадига қўйилган солиқ ставкаси — 43,2 фоиз. Эр-хотин, шунингдек, даромадларининг 10 фоизини хайрияга сарфлади.
ABC фикрича, Клинтон президентликка номзод миллиардер Дональд Трампга босимни кучайтириш учун даромадлари ҳақида ҳисобот берган. Трамп солиқ чегирмалари ҳақидаги маълумотларни ошкор қилмоқчи эмас, унинг фикрича, бундай маълумот унинг учун иш билан боғлиқ қийинчиликларни келтириб чиқариши мумкин.
Изоҳ (0)