Аргентинада уйсиз ит унга меҳмонхона киришида емак берган стюардессани олти ой мобайнида кутди. Бу ҳақда, Daily Mail’га асосланиб, TJournal хабар бермоқда.
Германиялик стюардесса Оливия Зиверс Буэнос-Айресга командировкалари чоғида меҳмонхона олдида уни ҳар доим ўша ит кутиб тургани ҳақида ҳикоя қилиб берди.
Зиверс итга меҳрибонлик кўрсатгани боис жонивор ҳамма ерда унинг ортидан юрадиган бўлди; стюардесса учиб кетганида эса ит уни меҳмонхона олдида кутарди.
Аёл итни Буэнос-Айресдаги танишларидан бирининг уйига жойлаштирмоқчи бўлди, аммо ит қочиб кетиб, яна эски жойига қайтиб келаверди.
Ярим йилдан сўнг Зиверс хоним ахийри итни асраб олишга қарор қилди ва жониворни Аргентинадан Германияга олиб кетиш учун ариза киритди. У итга Рубио лақабини берди. Айни пайтда аёл итининг фотосуратларини Facebook’да жойлаштириб бормоқда.
Изоҳ (0)