Футбол бўйича Ўзбекистон Олий Лигасида 17-турнинг 6 та ўйинига 8 август куни якун ясалди.
Мамлакатнинг амалдаги чемпиони «Пахтакор» турнир жадвалида сўнгги ўринни эгаллаб турган «Қўқон—1912» клуби майдонида 2 очко йўқотди. Ўйин тугашига 10 дақиқа вақт қолганида Андрей Сидоров Тошкент клубини мағлубиятдан қутқариб қолган голни киритди.
Куннинг энг йирик натижаси Бекободда қайд этилиб, «Металлург» Муборакнинг «Машъал» клуби дарвозасига жавобсиз 6 та гол урди. Ўйиннинг 10-дақиқасига келиб бош ҳакам меҳмонлар дарвозабонини майдондан четлатди. 80 дақиқа бир киши кам ўйнаган «Машъал» якунда 6 та гол ўтказди.
Ўтган турнинг энг йирик ҳисобли ўйинида мағлуб бўлган «Навбаҳор» водий дербисида «Нефтчи»дан 2:1 ҳисобида устун келди. Қарши шаҳрида «Насаф» «Олмалиқ»ни худди шу ҳисоб билан таслим қилди.
Турнинг яна икки учрашуви бугун — 8 август куни бўлиб ўтади. Унда «Бунёдкор» Тошкентда «Сўғдиёна»ни қабул қилса, «Қизилқум» ўз майдонида «Шўртан» билан беллашади.
Ўзбекистон Олий Лигаси 17-тур беллашувлари 8 август, душанба
«Металлург» — «Машъал» 6:0
Голлар: Муроджон Тошматов, 11 (1:0). Зоҳид Абдуллаев, 41 (2:0). Дилмурод Каримов, 45 (3:0). Муроджон Тошматов, 46 (4:0). Дониёр Одилов, 87 (5:0). Зоҳид Абдуллаев, 90 (6:0).Четлатиш: Жавоҳир Илёсов, 10 (М).«Қўқон—1912» — «Пахтакор» 1:1
Голлар: Носир Отақўзиев, 20-пен (1:0). Андрей Сидоров, 80 (1:1).«Навбаҳор» — «Нефтчи» 2:1
Голлар: Отабек Исроилов, 40 (0:1). Исломбек Исоқжонов, 46 (1:1). Акром Баҳритдинов, 64 (2:1).«Бухоро» — «Обод» 1:0
Гол: Анвар Ражабов, 34 (1:0).«Локомотив» — «Андижон» 3:1
Голлар: Сервер Жепаров, 19 (1:0). Санжар Шоаҳмедов, 53 (2:0). Рўзимбой Аҳмедов, 59 (2:1). Санжар Шоаҳмедов, 72 (3:1).«Насаф» — «Олмалиқ» 2:1
Голлар: Шерзод Аъзамов, 30-авт (0:1). Азамат Алланиёзов, 31 (1:1). Ислом Рашидхонов, 58 (2:1).9 август, сешанба«Бунёдкор» — «Сўғдиёна»«Қизилқум» — «Шўртан»
Изоҳ (0)