Futbol bo‘yicha O‘zbekiston Oliy Ligasida 17-turning 6 ta o‘yiniga 8-avgust kuni yakun yasaldi.
Mamlakatning amaldagi chempioni “Paxtakor” turnir jadvalida so‘nggi o‘rinni egallab turgan “Qo‘qon—1912” klubi maydonida 2 ochko yo‘qotdi. O‘yin tugashiga 10 daqiqa vaqt qolganida Andrey Sidorov Toshkent klubini mag‘lubiyatdan qutqarib qolgan golni kiritdi.
Kunning eng yirik natijasi Bekobodda qayd etilib, “Metallurg” Muborakning “Mash’al” klubi darvozasiga javobsiz 6 ta gol urdi. O‘yinning 10-daqiqasiga kelib bosh hakam mehmonlar darvozabonini maydondan chetlatdi. 80 daqiqa bir kishi kam o‘ynagan “Mash’al” yakunda 6 ta gol o‘tkazdi.
O‘tgan turning eng yirik hisobli o‘yinida mag‘lub bo‘lgan “Navbahor” vodiy derbisida “Neftchi”dan 2:1 hisobida ustun keldi. Qarshi shahrida “Nasaf” “Olmaliq”ni xuddi shu hisob bilan taslim qildi.
Turning yana ikki uchrashuvi bugun — 8-avgust kuni bo‘lib o‘tadi. Unda “Bunyodkor” Toshkentda “So‘g‘diyona”ni qabul qilsa, “Qizilqum” o‘z maydonida “Sho‘rtan” bilan bellashadi.
O‘zbekiston Oliy Ligasi 17-tur bellashuvlari 8-avgust, dushanba
“Metallurg” — “Mash’al” 6:0
Gollar: Murodjon Toshmatov, 11 (1:0). Zohid Abdullayev, 41 (2:0). Dilmurod Karimov, 45 (3:0). Murodjon Toshmatov, 46 (4:0). Doniyor Odilov, 87 (5:0). Zohid Abdullayev, 90 (6:0).Chetlatish: Javohir Ilyosov, 10 (M).“Qo‘qon—1912” — “Paxtakor” 1:1
Gollar: Nosir Otaqo‘ziyev, 20-pen (1:0). Andrey Sidorov, 80 (1:1).“Navbahor” — “Neftchi” 2:1
Gollar: Otabek Isroilov, 40 (0:1). Islombek Isoqjonov, 46 (1:1). Akrom Bahritdinov, 64 (2:1).“Buxoro” — “Obod” 1:0
Gol: Anvar Rajabov, 34 (1:0).“Lokomotiv” — “Andijon” 3:1
Gollar: Server Jeparov, 19 (1:0). Sanjar Shoahmedov, 53 (2:0). Ro‘zimboy Ahmedov, 59 (2:1). Sanjar Shoahmedov, 72 (3:1).“Nasaf” — “Olmaliq” 2:1
Gollar: Sherzod A’zamov, 30-avt (0:1). Azamat Allaniyozov, 31 (1:1). Islom Rashidxonov, 58 (2:1).9-avgust, seshanba“Bunyodkor” — “So‘g‘diyona”“Qizilqum” — “Sho‘rtan”
Izoh (0)