Россияликларнинг аксарияти (78%) Японияга баҳсли Курил ороллари берилишига қарши. «Левада-Центр» томонидан ўтказилган сўров натижалари шундан далолат бермоқда, дея маълум қилади «Ведомости».
Россияликлар мазкур масалада муросага ҳам рози эмас: уларнинг 71 фоизи мамлакат йирик оролларни (Уруп ва Итуруп) олиб қолиб, Японияга икки кичик оролни (Хабомаи ва Шикотан) берилишига ҳам қарши. Ҳар еттинчи кишига (13%) ушбу ғоя маъқул келган, сўров иштирокчиларининг 16 фоизи бу борада фикр билдиришга қийналган.
Умуман олганда, россияликлар Япония билан тинчлик шартномаси имзолаш ва кредит ҳамда технологиялар олишдан кўра (21%) баҳсли ороллар мамлакат таркибида қолишини (56%) афзал билган. Тинчлик шартномаси имзоланишини сўралганларнинг 48 фоизи муҳим, 38 фоизи эса аҳамиятсиз ҳисоблаган.
Изоҳ (0)