«Америкаликлар солиқ ислоҳоти тарафдори» жамоатчилик ташкилоти АҚШда спортчиларни Олимпиада ўйинларидаги ғалабаси учун қўлга киритадиган мукофот пули учун солиқ тўлашдан озод этиш учун имзо йиғишни бошлади, деб ёзади «ТАСС».
Улар интернетдаги саҳифасига тегишли петицияни жойлаштирди. Тўпланган имзолар АҚШ Конгрессига йўналтирилади, у ерда олимпиадачиларни мукофот пули учун солиқ тўлашдан озод қилиш бўйича қонунчилик ташаббуслари аллақачон кўриб чиқилмоқда.
АҚШ олимпия қўмитаси тўлайдиган мукофот пуллари олтин медаль учун 25 минг доллар, кумуш учун 15 минг доллар ва бронза учун 10 минг долларга тенг. Жамоатчилик ташкилоти маълумотларига кўра, ушбу суммалар учун ҳар бир спортчидан олинадиган солиқлар вазиятга қараб тегишли равишда 9900, 5940 ва 3960 долларгача бўлиши мумкин.
АҚШ Конгрессида ҳозирда ушбу солиқларни бекор қилиш тўғрисидаги иккита қонун лойиҳаси кўриб чиқилмоқда.
Изоҳ (0)