2008 йил Пекинда, 2012 йил Лондонда бўлиб ўтган Олимпиада ўйинлари чоғида олинган допинг-намуналар қайтадан таҳлил қилинганида тахминан 100 та ижобий натижа чиқди, деб ёзади «Интерфакс» Халқаро олимпия қўмитаси раҳбари Томас Бахга таяниб.
«2008 ва 2012 йиллардаги Ўйинларда олинган намуналар қайтадан таҳлил қилинди. Таҳлил 100 га яқин спортчи допинг қабул қилганини кўрсатди, улар Риодаги Ўйинларда қатнаша олмайди», — деди Бах.
Жорий Олимпиадага келадиган бўлса, Рио-де-Жанейродаги ёзги Ўйинлар чоғида олинган намуналар ўн йил давомида сақланади.
ХОҚ раҳбари таъкидлашича, ХОҚ «допинг қабул қилганлик учун санкциялар ҳақидаги масалани кўриб чиқмайди, бу билан Спорт арбитраж суди шуғулланади».