Ўзбекистон вилоят марказлари ва йирик шаҳарлари орасида 1 август, душанба куни энг салқин ҳаво Самарқанд шаҳрида қайд этилди. «Ўзгидромет» маълумотига кўра (pdf), шу куни Самарқанд вилояти маъмурий марказида максимал ҳаво ҳарорати +31 даражагача кўтарилган.
Шу куни Фарғона водийсидаги вилоят марказларида энг юқори ҳаво ҳарорати +32 даражагача кўтарилган, Навоий, Жиззах, Гулистон, Тошкент шаҳарларида +34 даражани, Бухоро шаҳрида +36 даражани, Урганч, Қарши, Термиз шаҳарларида +37 даражани, Қорақалпоғистон Республикаси пойтахти Нукус шаҳрида эса +38 даражани ташкил этган.
Мамлакатнинг тоғли ҳудудларида салқин иқлим шароити сақланиб қолган. Хусусан, Чимёнда энг юқори ҳаво ҳарорати +22 даражадан ошмаган бўлса, Қамчиқ довонида максимал ҳарорат +19 даражани ташкил этган.
Маълумот учун, «Ўзгидромет» маркази 1 август куни Самарқанд вилоятида ҳаво ҳарорати +37 даражагача кўтарилиши мумкинлиги ҳақида ахборот берган эди.
Эслатиб ўтамиз, 31 июль куни Андижон, Наманган ва Фарғона шаҳарлари Ўзбекистоннинг йирик шаҳарлари орасида энг салқинлари бўлган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)