Бу йил Бразилиянинг Рио-де-Жанейро шаҳрида ўтказилиши режалаштирилган Ёзги Олимпия ўйинлари арафасида, Ўзбекистон Олимпия ҳаракатини ривожлантириш ва оммалаштириш мақсадида, 27 июль куни UzMobile Ўзбекистон Мобил алоқа миллий оператори ва Ўзбекистон Республикаси Миллий олимпия қўмитаси ўзаро ҳамкорлик ҳақида келишув имзолади. Бу ҳақда миллий оператор матбуот хизмати хабар берди.
Ўзбекистон Олимпия ҳаракати ва 2016 йил Рио-де-Жанейрода бўлиб ўтадиган XXXI ёзги Олимпия ва XV Паралимпия ўйинларига ўзбек спортчиларининг тайёргарлиги ва мусобақалардаги иштирокларини кенг ёритиш ва оммага маълумот бериш мақсадида, UzMobile келишув доирасида қўллаб-қувватлаш ва ҳамкорлик ишларини амалга оширади.
XXXI ёзги Олимпия ўйинларида ўзбекистонлик спортчилар академик эшкак эшиш, бадиий гимнастика, байдарка ва каноэда эшкак эшиш, бокс, дзюдо, енгил атлетика, оғир атлетика, спорт гимнастикаси, стол тенниси, сузиш, таэквандо (WTF), теннис, трамполин, ўқ отиш, эркин ва юнон-рум кураш каби йўналишларда иштирок этади.
Изоҳ (0)