Ўзбекистон миллий телерадиокомпаниясининг «Спорт» телеканали Рио-де-Жанейро Олимпиадасининг трансляцияси ҳуқуқини қўлга киритди. Бу ҳақда «Дарё»нинг ЎзМТРКдаги манбаси маълумот берди.
«Оламспорт» хабарига кўра, Олимпиада—2016 ўйинлари старт оладиган ҳафта учун чиқарилган теледастурлардан йирик спорт фестивалининг очилиш маросими жой олмаганди. Хабарда Қозоғистоннинг учта телеканалида мамлакат спортчиларининг барча чиқишини намойиш этиш режаси бор эканлиги қўшимча қилинган.
«Спорт» телеканали ҳафта учун чиқарилган теледастурларга ўзгартириш киритиб, режадаги дастурлар ўрнига Олимпиада мусобақаларини намойиш қилади.
Рио—2016 очилиш маросими Тошкентга 6 август кириб келган кунда бўлиб ўтади.
Изоҳ (0)