Япониянинг Сагамихара шаҳридаги ақлий имконияти чекланган одамлар учун мўлжалланган муассаса собиқ ходими, ўтган тунда 10 кишининг ўлимига сабаб бўлган қирғинни уюштиришда гумонланувчи, наркотиклар қабул қилган, деб ёзади «ТАСС» Kyodo агентлигига таяниб.
2016 йил февралида у қон ва сийдик таҳлилини топширган, у марихуана борлигини кўрсатган. 26 ёшли Сатоси Уэмацу муассасада уч йил ишлаб, февраль ойида баъзи «шахсий сабаблар»га кўра ишдан бўшаган.
Пансионатга ҳужум тунги икки яримда (Тошкент вақти билан 25 июль, 22:30) содир бўлди. Бу вақтда у ерда саккиз ходим ва бир соқчи бўлган. Шунингдек, бинода 18 дан 75 ёшгача 150 киши бўлган бўлиши мумкин.
Дастлабки маълумотларга кўра, гумонланувчи муассасага қора машинада келиб, бинога деразани болға билан уриб синдириш орқали кириб олган. Ўзи билан учта пичоқ солинган сумкани олиб келган. Автомобилдан эса қон излари бўлган скотч ва пластик кишанлар топилган.
Сатоси Уэмацу ҳужумдан тахминан бир соат ўтиб, полицияга айбдор сифатида борган. У қотилликни амалга оширишга уриниш ва бинога ноқонуний тарзда киришда гумонланиб, ҳибсга олинди.
Изоҳ (0)