Мюнхенда отишма уюштирган шахс йил давомида ҳужумни режалаштирган. Бу ҳақда Бавария жиноий полицияси раҳбари Роберт Хаймбергер маълум қилди, дея хабар беради «ТАСС».
«Ҳужум бир йил давомида режалаштириб келинган. Қурбонлар махсус танланмаган. Қурол интернетнинг аноним сегментларидан бири — даркнет орқали харид қилинган. Тўппонча қаерда сақлангани номаълум, йигитнинг хонасидан бошқа қурол топилмади», — дея таъкидлади Хаймбергер.
Шунингдек, мюнхенлик мерган оммавий қотилликлар билан қизиққани ҳақидаги тахминни тасдиқловчи яна бир далил топилди. У 2009 йили 15 нафар мактаб ўқувчиси ўлдирилган Германиянинг Винненден шаҳрига боргани ва жиноят жойини суратга туширгани маълум бўлди. Суратлар унинг фотоаппарати хотирасидан топилди.
Эслатиб ўтамиз, келиб чиқиши эронлик бўлган 18 ёшли Германия фуқароси Мюнхендаги савдо марказида 9 кишини отиб ташлади, кейин эса ўз жонига қасд қилди.
Изоҳ (0)