Ислом инқилоби қўриқчилари корпуси томонидан Эрон шимоли-ғарбида ўтказилаётган аксилтеррор операцияси натижасида 23 нафар террорчи йўқ қилинди. Бу ҳақда корпус қўмондонлиги вакили, бригада генерали Мажид Аржумандфар маълум қилди, дея хабар беради «ТАСС».
Генералнинг билдиришича, яқингача минтақада бешта ноқонуний қуролли тузилма ҳаракат қилган. Улардан иккитаси Курдистон ва Ғарбий Озарбайжон вилоятларида тўлиқ йўқ қилинди. Ироқ ва Туркия билан чегарадош туманларда жангарилар таянч пунктлари ва базалари аниқланди. Омон қолган жангариларни таъқиб этиш давом этмоқда.
Корпуснинг аксилтеррор операцияси Эрон шимоли-ғарбида икки ойдан бери давом этмоқда. Унинг асосий мақсади Курдистон ишчи партияси иштирокида мамлакат ҳудудида қўпорувчилик фаолиятини олиб бориш учун 2003 йилда тузилган «Пежак» гуруҳи отрядларини йўқ қилишдан иборат. Гуруҳ жангарилари вақти-вақти билан Эрон расмийлари вакиллари, шунингдек, руҳонийларга ҳужум уюштиради.
.