Буюк Британия Евроиттифоқдан чиқиш ҳақида расмий сўров бериши ва Брюссель билан бўлғуси муносабатлари қандай бўлишини ўзи белгилаши керак. Бу ҳақда Берлинда Британия бош вазири Тереза Мэй билан учрашган Германия канцлери Ангела Меркель айтиб ўтди, деб ёзади «ТАСС».
«Энг бошиданоқ — референдумдан кейин — мен Европа иттифоқи билан бўлғуси муносабатлар қандай бўлишини белгилаш Британия ҳукуматига ҳавола эканлигини айтган эдим», — деди Меркель.
Германия вазирлар маҳкамаси раҳбари Brexit’га қарамай, ГФР ва Буюк Британия ўзаро муносабатларни, жумладан, иқтисодий алоқаларни чуқурлаштиришни исташини таъкидлади.
Меркель Лондон Европадаги ҳуқуқ меъёрларига мувофиқ, Брюсселга расмий сўров жўнатмагунича, Буюк Британия ва Евроиттифоқ алоқалари ҳақида мавзули суҳбатлар олиб бормаслигини яна бир бора қайд этди.
Изоҳ (0)