Корпоратив бошқарув маркази Бизнесни бошқариш магистри (Master of Business Administration) мутахассислиги бўйича магистратурада таҳсил олиш учун 2016/17 ўқув йилига талабномалар қабул қилиш бошланганини эълон қилди. Бу ҳақда «Газета.uz» хабар бермоқда.
Таҳсил кундузги шаклда, тўлов-контракт асосида икки йиллик магистратура таълими дастури бўйича олиб борилади ва магистр даражаси ҳамда давлат намунасидаги диплом берилади.
Марказ вакилларининг билдиришича, ўқув дастурлари халқаро стандартлар асосида ишлаб чиқилган ва Ўзбекистон ҳамда хориждаги етакчи компания ва корпорацияларда стажировка ўташни кўзда тутади. Қабул ёши 40 гача бўлган, олий маълумотга эга, ўқув юртини битиргач камида уч йил ишлаган, Ўзбекистон фуқароси бўлган хўжалик бошқаруви органлари, акциядорлик жамиятлари ва тадбиркорлик тузилмалари раҳбар ходимлари ва мутахассислари учун очилган.
Ҳужжатлар 20 июлдан 20 августгача бўлган муддатда қабул қилинади.
Изоҳ (0)