Жорий йилнинг 12 июль куни Ўзбекистон мусулмонлари идораси тасарруфидаги 9 та ўрта махсус ислом билим юртларида 2016/2017-ўқув йили учун қабул имтиҳонлари бўлиб ўтган эди, дея хабар бермоқда Дин ишлари бўйича қўмита ахборот хизмати.
2016/2017-ўқув йили учун ўрта махсус ислом билим юртларига жами 1313 нафар абитуриент ҳужжат топширди, шундан 203 нафари аёл-қизлар билим юртига тўғри келади.
Қабул имтиҳонлари икки босқичда ўтказилди. Биринчи босқичда «Она тили» фанидан диктант, иккинчи босқичда «Маънавият асослари», «Чет тили», «Тарих» фанлари бўйича тест синов шаклида бўлиб ўтди.
Қабул имтиҳони натижалари жорий йилнинг 15 июль куни эълон қилиниб, имтиҳон натижаларига кўра энг юқори балл тўплаган абитуриентлардан 204 нафари ўрта махсус ислом билим юртларига ўқишга қабул қилинди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)