Туркиядаги ҳарбий тўнтаришга уриниш оқибатлари, Олмаотада отишма, Клинтонга қарийб етиб олган Трамп ва куннинг бошқа муҳим янгиликлари

18 июлнинг эътиборга молик янгиликлари — «Дарё»нинг кечки дайжестида.

1. Туркия бош вазири Йилдирим: ҳарбий тўнтариш ҳаракати чоғида 208 киши ҳалок бўлди, 1500 киши жароҳатланди. Президент Эрдўғон эса Туркияда ўлим жазоси жорий қилиниши мумкинлигини айтди.

2. Олмаотадаги отишмада уч нафар полициячи ва бир фуқаро ҳалок бўлди. Айнан шу отишма сабаб Қозоғистон президенти Нурсултон Назарбоев Хавфсизлик кенгашининг шошилинч йиғилишини чақирди.

3. Трамп сайловолди пойгасида Клинтондан ортда қолишни сезиларли даражада қисқартирди. Ҳозир АҚШ президентлигига номзодлар ўртасидаги фарқ 4 фоизни ташкил этмоқда — бир ой аввал бу кўрсаткич 12 фоизга тенг эди.

4. 120 минг венесуэлалик озиқ-овқат ва дори-дармон харид қилиш учун Колумбияга бориб келди. Сўнгги йиллар давомида Венесуэла оғир иқтисодий ва молиявий инқирозни бошдан ўтказмоқда.

5. Ўзбекистон миллий терма жамоаси Дортмунднинг «Боруссия» клуби ёшларини мағлуб эта олмади. Эслатиб ўтамиз, бу миллий терма жамоа ЖЧ—2018 йўлланмаси учун курашади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.