Хитойга ёпирилган «Непартак» тўфони оқибатида Фуцзянь провинциясида ҳалок бўлганлар сони 83 кишига етди, яна 19 киши бедарак йўқолди. Бу ҳақда «Синьхуа» агентлигига таяниб, «ТАСС» хабар бермоқда.
Аввалроқ қурбонлар сони 69 кишини ташкил этгани маълум қилинганди. 9 июль куни Хитойнинг материк қисмидан «Непартак» тўфонининг ўтиши оқибатида олти шаҳар сув остида қолди, 506,7 минг аҳоли эвакуация қилинди. 10 мингга яқин уй-жой бутунлай ёки қисман вайрон бўлди.
Табиий офатнинг мамлакат иқтисодиётига етказган зарари 1,5 миллиард долларни ташкил қилди. Қарийб 20 минг гектар экин майдони сув билан ювиб кетилди. 233 муассасанинг фаолияти тўхтатилди.
Изоҳ (0)