Fiat Chrysler Automobiles (FCA) альянси Jeep моделидаги машиналарни йиғувчи заводлар модернизациясига 1 миллиард доллардан кўпроқ пул сарфлайди. Компания бу корхоналарда мингта қўшимча иш ўрни яратмоқчи, деб хабар беради Motor.
Кўрсатилган маблағнинг 350 миллион долларлик қисми АҚШнинг Иллинойс штатидаги Белвидир шаҳрида жойлашган заводга ажратилади. У ерда Jeep Compass ва Jeep Patriot йўлтанламаслари, шунингдек, Dodge Dart седани йиғилади. Учала русумдаги автомобиллар конвейери ҳам шу йили тўхтатилади. Шундан сўнг заводга Jeep Cherokee кўчирилади, айни пайтда Толедода (Огайо штати) йиғилмоқда.
Толедодаги завод модернизациясига FCA 700 миллион доллар йўналтиради. Ҳозир у ерда Wrangler йиғилади. 2017 йилдан моделнинг янги авлоди ишлаб чиқарилиши йўлга қўйилади.
Изоҳ (0)