Туркиядаги ҳарбий тўнтаришга уринишдаги иштироки учун ҳибсга олинган аскарлар сўроқ вақтида дастлаб барча воқеаларни одатий машғулот сифатида қабул қилганини таъкидлади. Бу ҳақда, Hurriyet газетасига асосланиб, «РИА Новости» хабар бермоқда.
Хабар беришларича, мазкур таъкид Отатурк номидаги аэропортда ҳибсга олинган ҳарбийлар гуруҳи томонидан айтилган. Полковникнинг қўл остида 10 зобит ва 67 аскар бўлган.
Сўроқ вақтида гумонланувчилар воқеаларни ҳарбий машғулот сифатида қабул қилганини айтиб ўтган. «Одамлар танкларнинг устига чиқишни бошлаганидан сўнггина нима бўлаётганини тушуниб етдик», — дея гумонланувчиларнинг биридан иқтибос келтирмоқда газета.
Ҳарбийларнинг сўзларига кўра, уларга раҳбарлик қилаётган полковник, полиция бўлинмалари етиб келганидан сўнг, чекиниш ҳақида буйруқ берган.
16 июлга ўтар кечаси Туркияда ҳарбий тўнтаришга уриниш юз берди. 16 июль тонгида эса исёнкор ҳарбийлар таслим бўлишни бошлади. Туркия бош вазирининг маълум қилишича, тўнтаришнинг барча ташкилотчилари қўлга олинган.Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)