АҚШда президентлик пойгаси иштирокчиси Дональд Трамп Индиана штати губернатори Майк Пенсга вице-президентликка ўз номзодини қўйишни таклиф қилса, ажаб эмас. Бундай фикрни АҚШ ОАВлари маълум қилди, деб ёзади «Интерфакс».
Трампнинг сайлов штабидаги манбалар маълумотларига кўра, улар Пенс билан биргаликда бу ҳақда 15 июль, жума куни Нью-Йоркда эълон қилмоқчи.
АҚШ вице-президенти лавозими учун курашга Индиана губернаторидан ташқари, Нью-Жерси губернатори Крис Кристи ва вакиллар палатаси собиқ спикери Ньют Грингрич ва бошқалар даъвогарлик қилмоқда. Бундан ташқари, шорт-листга, Америка ОАВлари маълумотларига кўра, истеъфодаги генерал Майкл Флинн ҳам кирди, у ўтган йили АҚШ ҳарбий разведкасига раҳбарлик қилган эди.
Изоҳ (0)