11 июль куни Ўзбекистон Маданият ва спорт ишлари вазирлиги Ёшлар маданият ва санъат маркази ташаббуси ва ҳамкор ташкилотлар билан биргаликда ташкил этилаётган «Ким эдигу ким бўлдик, эртага қандай юксак марраларни эгаллашимиз керак?» мазмунидаги тарғибот тадбирлари Андижон вилоятининг Асака, Балиқчи, Бўз туманларида бошланиб, 12 июль куни Жалақудуқ, Избоскан, Марҳамат туманларида давом этди. Бу ҳақда «Дарё»га марказнинг матбуот хизмати маълум қилди.
Икки кун давомида тарғибот тадбирларида 33 та қишлоқ фуқаролар йиғинлари ва 161 та маҳалла фуқаролар йиғинларида жами 81 та тадбирлар 44 та умумтаълим мактабларида, 27 та касб-ҳунар коллежи ва академик лицейларида, иккита болалар мусиқа ва санъат мактабида, битта мурувват уйида, учта маданият ва аҳоли дам олиш марказида жами 23360 нафар аҳоли вакиллари учун ўтказилди.
Тадбирларда 120 нафардан зиёд таниқли санъаткорлар ва эстрада хонандалари, кино ва театр актёрлари, «Ниҳол» мукофоти совриндорлари, шоир ва ёзувчилар, маънавият тарғиботчилари иштирок этди. Шунингдек, белгиланган режага қўшимча равишда гала-концертлар бўлиб ўтмоқда.
Тарғибот тадбирлари 16 йил кунига қадар давом этади.
Изоҳ (0)