Президент Салва Киир ва унинг ўринбосари Риек Машар тарафдорлари ўртасида тўқнашувлар давом этаётган Жанубий Судан пойтахти Жубадаги БМТ лагери ҳудудида тинч аҳоли вакилларидан 8 нафари ҳалок бўлди, 50 дан ортиқ киши жароҳатланди. Бу ҳақда халқаро ташкилот бош котибининг расмий вакили Стефан Дюжаррик маълум қилди, дея хабар беради «ТАСС».
«Жанубий Судандаги БМТ миссияси қочоқлар учун мўлжалланган қўриқланадиган лагерда охирги 24 соат мобайнида 67 киши жароҳатланганини маълум қилди. Улардан 8 нафари кейинчалик оламдан ўтди», — дея таъкидлади Дюжаррик.
Олдинроқ расмий вакилнинг ўринбосари Фархан Ҳақ кейинги кунларда тўқнашувлар туфайли БМТ тинчликпарвар кучларининг хитойлик икки аскари ҳалок бўлгани, яна етти киши яраланганини, улардан икки нафарининг жароҳати ўта жиддий эканлигини билдирганди. БМТ Жанубий Судандаги тўқнашувлар давом этса, тегишли чоралар кўрилиши ҳақида огоҳлантирган.
Маълумот учун, Жанубий Судандаги инқироз 2013 йил декабрида президентнинг исёнчилар собиқ етакчиси Рийек Машарни ўринбосари лавозимидан бўшатиш тўғрисидаги қароридан сўнг авж олди. Икки сиёсатчининг қарама-қаршилиги турли элатларга мансуб бўлган тарафдорлари ўртасидаги шиддатли тўқнашувларга сабаб бўлди. Оқибатда 10 мингга яқин киши ҳалок бўлди, 2,2 миллион киши қочқинга айланди.
Изоҳ (0)