Boeing МДҲ давлатларида 2035 йилгача янги самолётларга талабнинг башорат қилинаётган ҳажмини бироз кўпайтирди. Бу ҳақда «ТАСС» хабар бермоқда.
Корпорациянинг Фарнборо авиасалонида 11 июль, душанба куни тарқатилган материалларида таъкидланишича, МДҲ авиакомпанияларига 1170 самолёт зарур бўлиши кутилмоқда. Олдинроқ мазкур кўрсаткич 1150 ҳаво кемасидан иборат эди. Бу 2035 йилгача шунча самолёт талаб этиладиган Африка давлатлари билан деярли тенг рақам. Қайд этиш жоизки, Африкадаги эҳтиёж етти минтақа орасидаги энг паст кўрсаткич.
Янги самолётларга талаб бўйича Осиё етакчи бўлиб турибди (15130). Иккинчи ўринни Шимолий Америка (8330), учинчини эса Европа (7570) эгаллади. Кейинги ўринларда Яқин Шарқ (3310) ва Лотин Америкаси (2960) қайд этилди.
Изоҳ (0)