Шарқий Хитойдаги Фуцзян провинциясида «Непартак» тўфони оқибатида тўққиз киши ҳалок бўлди, дея хабар бермоқда «ТАСС» Хитой Марказий телевидениесига таяниб. Яна 18 киши бедарак йўқолди.
Офат ҳудудида жами 450 дан зиёд киши тўфондан у ёки бу даражада жабр кўрди. Ҳукумат 213 мингга яқин кишини эвакуация қилди.
Провинцияда 900 га яқин уй вайрон бўлди, 11 мингдан ортиғи зарар кўрди. Тўфон оқибатлари натижасида етган зарар 134 миллион долларга баҳоланмоқда.
Тўфон 8 июль, жума куни эрталаб Тайваннинг шарқий қисмига ёпирилди, Хитойга эса тропик бўронга айланган ҳолда 9 июль куни кириб келди.
Изоҳ (0)