Жанубий Корея ташқи ишлар вазири Юн Бён Се АҚШнинг мамлакатда ўрнатиладиган THAAD ракетага қарши тизими учинчи мамлакатларга қаратилмаслигини маълум қилди. Бу ҳақда «Газета.ru» хабар бермоқда.
Вазирнинг билдиришича, бу Россия ва Хитойга ҳам тегишли. Баллистик ракеталарни ушлаб қолиш учун мўлжалланган юқори технологияли THAAD тизими ўрнатилишини Жанубий Кореянинг КХДР ядро салоҳияти ошиб боришидан ўзини ҳимоя этиш ҳуқуқи тақозо этади.
Жанубий Корея расмийларига кўра, THAAD 2017 йил охиригача ўрнатилиши мумкин. Ўз навбатида, Шимолий Корея расмийлари қўшни давлатда ракетага қарши тизимлар жойлаштирилиши жавоб чораларисиз қолмаслигини маълум қилди.
Изоҳ (0)