Куни кеча Улуғбек Раҳматуллаев автоҳалокатга учраганини билдирган айрим Telegram каналлари энди актриса Шаҳзода Муҳаммедова ҳақида миш-мишлар тарқатмоқда. Бу ҳақда «Даракчи.uz» хабар берди.
Telegram каналлари орқали тарқалган хабарларда шундай дейилади «Даҳшат! Шаҳзода Дубайда нима иш қилиб қўйди, ҳайрон қолишингиз аниқ!»
Бундан хабар топган актриса ўзининг Instagram’даги саҳифаси орқали бундай сафсатани тарқатаётганларга мурожаатини ёзиб қолдирди:
«Пул топиш мақсадида Telegram’да турли ёлғон манбалар, фотошоплар тарқаляпти. Қизиқиб, ичига кирилса пул ечилади ҳар бир телефондан. Илтимос, санъаткорнинг юзидан фойдаланиб пул топманглар. Дубаймиш, Тошкентдаман-ку? Озгина Худодан қўрқинглар! Қиз боланинг номини булғаш яхшимас. Куни кеча хонанда Улуғбек Раҳматуллаевни ҳалокатда ўлди деган миш-мишни чиқарувдинглар. Озгина виждон етишмаяпти айрим ноинсофларда».
Изоҳ (0)