Сўнгги кунларда барчанинг тилида шов-шув бўлаётган Аҳмадбой воқеаси унга айрим санъаткорлар ҳам алоқадор эканлиги ҳақида гап-сўзларни келтириб чиқарди, деб ёзади «Даракчи.uz».
«Аҳмадбой васвасаси» деб номланган кўрсатув Миллий телерадиокомпания эфирлари орқали узатилгач эса ҳатто ўша айрим санъаткорларнинг номлари ҳам тилга олинди.
Хонанда Муниса Ризаева ўзининг Instagram саҳифаси орқали Аҳмадбойга пул бергани ҳақидаги миш-мишларни рад этди:
«Бугун менга гўёки қандайдир Аҳмадбой деган одамга пул берганим ҳақида маълумотлар етиб келди! Мен бундай одам борлиги ҳақида энди эшитиб турибман! Мен ҳеч кимга ҳеч қанақа пул бермаганман, айниқса фоизга, менга икки баравар қилиб беришлари учун! Бу жуда катта гуноҳ эканлигини биламан! Оллоҳга шукр ҳамма нарсам етарли! Шу сабабли бундай кўзбўямачи инсонларга қулоқ тутмаслигингизни сўраб қоламан!»
Изоҳ (0)