Yuqori texnologik xizmatlarni taqdim etish maqsadida biznes faoliyatini rivojlantirib borayotgan Ucell kompaniyasi o‘z abonentlari uchun ko‘plab aksiyalarni o‘tkazmoqda. “Internet-poygalar — 2016” promo-aksiyasi ham shunday tadbirlar sirasiga kiradi. Uning asosiy g‘oyasi — bozorda mobil internet xizmatlarini ilgari surish, foydalanuvchilar orasida uyali aloqaning zamonaviy vositalarini ommalashtirishdan iborat. “Formula 1” Gran-pri bosqichiga yo‘llanmalar hamda Ucell kompaniyasining munosib sovrinlarini qo‘lga kiritish uchun mobil internetdan foydalanish va imkoniyatlarni to‘plash lozim edi, deb xabar beradi Ucell kompaniyasining matbuot ofisi.
Aslida, qirollik poygalari va mobil internet o‘rtasida qanday o‘xshashlik bor ekan, deb o‘ylash mumkin? Bir tomondan sayyoradagi eng tez mashinalar dvigatellarining g‘uvillashi, boshqa tomondan esa – simsiz aloqa yordamida masofali muloqot qilish. Umumiylik ana shu tezlikda! Aynan tezlik ham poygalarda, ham aksiyada g‘olib bo‘lishning asosiy sharti hisoblanadi.
Ucell uyushtirayotgan Internet poygalarning “Bolidi” ishtirokchilarning smartfonlari bo‘ldi. “Otxona”, ya’ni mashinalar saroyi rolini uni ishlab chiqargan kompaniya ijro etdi. “Peloton” bo‘lib esa eng ko‘p imkoniyatlarni to‘plagan yetakchi 20 nafar abonentlar buldi. Tadbirda g‘olib bo‘lishning asosiy sharti foydalanilgan mobil internetning tezligi va hajmidan iborat edi. Eslatib o‘tamiz, ushbu aksiya 2016-yil 7-apreldan 26-iyungacha davom etdi. Imkoniyatlarning birinchi yutuqli o‘yini 23-mayda bo‘lib o‘tdi. O‘shanda to‘rtta Android One 4G smartfoni, uchta Samsung Galaxy Ace LTE style 4G smartfoni va yana shuncha Huawei E3272 4G modem o‘z egalarini topdi.
Ucell Plaza binosida o‘tkazilgan aksiyaning yakuniy bosqichi uning ishtirokchilari uchun bayramga aylandi. An’anaga ko‘ra Ucell kompaniyasi yorqin ko‘ngilochar dasturni tashkil qildi va uning doirasida tadbir g‘oliblarini aniqlash bo‘yicha “finish” o‘yini ishtirokchilar uchun eng hayajonli damlarni hadya qildi. Internet tarmog‘i “to‘rtinchi” tezlikda ishlashini ta’minlaydigan Android One, Samsung Galaxy Ace LTE style smartfonlari hamda Huawei E3272 modemlari bo‘yicha uyushtirilgan yutuqli o‘yinlar bilan bir qatorda, shu kuni ikkinchi bosh sovrin – Kuala-Lumpurda bo‘lib o‘tadigan “Formula 1”ning Malayziyadagi bosqichiga ikki kishilik bir yo‘llanmaning sovrindori ma’lum bo‘ldi.
“Internet menga ishimda va umuman hayotimda katta yordam beradi. Mobil internet esa men uchun juda ahamiyatli, chunki doimo yonimda bo‘ladi. Ushbu aksiya to‘g‘risida xabar topib, taqdim etilgan qulay imkoniyatdan foydalanishga qaror qildim. Hozir ichimdagi his-tuyg‘ularimni bir so‘z bilan ifodalab bo‘lmaydi. Men qirollik poygalarining ko‘p yillik ishqiboziman. Mening eng xush ko‘rgan poygachim – Sebastyan Fettel, u Ferrari jamoasining a’zosi. Va mana endi men shaxsan uning ishtirokida bo‘ladigan musobaqalarning guvohi bo‘laman. Bunday ajoyib imkoniyat uchun Ucell’ga katta rahmat aytaman!” — deydi “Internet-poygalar — 2016” aksiyasining g‘olibi G‘ulomov Suxrob.
“Orzular ro‘yobga chiqmoqda!” — deb ta’kidlashdi tadbirning qator boshqa ishtirokchilari. Darvoqe, ular Ucell mobil internetining sifati sezilarli yaxshilanganligi, internet xizmatlari turlari ko‘payganligini va bu har bir foydalanuvchi uchun zarur bo‘lgan xizmatni tanlab olishga imkon berayotganligini e’tirof etishdi.
Ucell kompaniyasi Iste’molchilar segmenti Direktori Agshin Gadjiyev bayon qiladi: “Ucell mobil internetdan foydalanish imkoniyatlarini yanada kengaytirishga intilmoqda. Bu fikr uning narxi, tezligi va qamroviga ham taalluqlidir. Bu masalaning samarali yechimi ko‘p jihatdan internet foydalanuvchilari va abonentlarimiz soniga bog‘liqdir. Ushbu aksiya esa abonentlar orasida mobil internetdan foydalanishni rag‘batlantirishga qaratilgan. Kompaniyada butun mamlakat hududi bo‘ylab tarmoqni texnik kengaytirish va modernizatsiyalashga qaratilgan loyihalar amalga oshirilmoqda. Va bu, shubhasiz, internet xizmatlarini keng ilgari surish uchun yangi imkoniyatlarini yaratadi”.
Bugungi kunda 3 milliondan ortiq Ucell abonentlari mobil internetdan samarali foydalanib keladi. Bu o‘z navbatida ular muloqot uchun eng maqbul tezlikni tanlayotganlaridan darak beradi. Bu kabi aksiyalarni o‘tkazish esa, shak-shubhasiz, abonentlar qatori yanada kengayishiga xizmat qiladi.
Reklama huquqi asosida. Xizmatlar litsenziyalangan
Izoh (0)