ОПЕК аъзоси бўлган камида уч мамлакат июнда май ойига нисбатан нефть қазиб олишни кўпайтирди. Бу ҳақда «ТАСС» хабар бермоқда.
Bloomberg маълумотларига кўра, Нигерия нефть қазиб олишни суткасига 90 минг баррелга ошириб, ўртача 1,53 миллион баррелга етказган. Саудия Арабистони бу кўрсаткични 70 минг баррель (суткасига 10,33 миллион баррель), Ливия эса 40 минг баррелга (суткасига 320 минг баррель) кўпайтирган.
Эронда нефть қазиб олиш майга нисбатан барқарор — суткасига 3,5 миллион баррель даражасида қолди. Ироқда эса 70 минг баррелга камайиб, суткасига 4,3 миллион баррелни ташкил этди.
Изоҳ (0)