Ўзбекистонда алкоголь маҳсулотлари ёрлиқларига нисбатан янги талаблар белгиланди, деб ёзади UzDaily.
Ўзбекистон стандартлаштириш, метрология ва сертификатлаш агентлиги бош директори буйруғига кўра, Ўзбекистон ҳудудидаги корхоналар томонидан чиқариладиган алкоголь маҳсулотларига мувофиқлик белгисини қўйиш тартибига ўзгартириш киритилди.
Буйруқ 2016 йил 4 июлдан кучга киради. Янги талабларга кўра, алкоголь маҳсулот ёрлиғи юқори сифатли қоғоздан, рўйхатдан ўтган полиграфик корхоналар томонидан тайёрланган бўлиши керак. Ёрлиқлар чет элдан импорт қилиниши ҳам мумкин.
Буйруққа мувофиқ, бутилкаларда алкоголнинг организм учун зарари ҳақида огоҳлантирувчи ёзувлар пайдо бўлади. Бундай тиббий огоҳлантириш ёрлиқ асосий майдонининг камида 40 фоизини эгаллаши ва қуйидаги матнни ўз ичига олиши керак: «Алкоголь маҳсулотини суиистеъмол қилиш асаб тизими ва ички органларда жиддий касалликларни келтириб чиқаради».
Изоҳ (0)