2016 йил 4 июль куни Ўзбекистонда Samsung бренди остидаги замонавий совитгичларни тўлиқ кўламда ишлаб чиқариш бошланди, дея хабар бермоқда Ташқи иқтисодий алоқалар, инвестициялар ва савдо вазирлиги матбуот хизмати.
У Ўзбекистон Президенти Ислом Каримовнинг 2015 йил 27—29 май кунлари Корея Республикасига ташрифи чоғида эришилган келишувлар доирасида ишга туширилди.
Лойиҳанинг умумий қиймати 4 миллион доллардан ошди. Лойиҳа доирасида Корея, Япония, Италия ва Хитойдан келтирилган технологик ускуналар ўрнатилди, 40 дан ортиқ иш ўринлари яратилди.
Жорий йил охиригача 6000 тагача совитгич ишлаб чиқариш, 2017—2018 йилларда эса уларнинг сонини йилига 50 минг донага етказиш режалаштирилмоқда. Шунингдек, Samsung совитгичларини Samsung Electronics дистрибьюторлик тармоғи орқали минтақа бозорларига экспорт қилиш ҳам кўзда тутилган.
Изоҳ (0)