Давлатлараро авиация қўмитаси Иркутск вилоятида 1 июль куни ҳалокатга учраган Россия ФВВнинг Ил-76 самолётининг барча ўн нафар экипаж аъзоси қурбон бўлганлигини тасдиқлади. Бу ҳақда «Интерфакс» хабар бермоқда.
«Мавжуд маълумотга кўра, самолёт бортидаги барча экипаж аъзолари ҳалок бўлган, ҳаво кемаси тўлиқ вайрон бўлган», — дейилади қўмита сайтида 3 июль, якшанба куни кечаси чоп этилган хабарда.
Бошқарма Россия ФВВнинг Ил-76ТД РА-76840 самолёти 1 июль куни Иркутск вилоятининг Качуг туманида ҳалокатга учраганлигини эслатиб ўтди.
Эслатиб ўтамиз, Ил-76 самолёти қулаган жойдан олти кишининг жасади топилганлиги ҳақида хабар берилган эди. 4 июль, душанба Иркутск вилоятида мотам куни деб эълон қилинди.
Изоҳ (0)