20 киши қурбон бўлишига олиб келган Даккадаги ресторанга ҳужумга ИШИД алоқадор эмас. Бу ҳақда Бангладеш ички ишлар вазири Асадуззамон Хон маълум қилди, деб хабар беради «РБК».
«Уларнинг барчаси бангладешлик. Бадавлат оилаларнинг вакиллари, нуфузли ўқув юртларида таълим олган», — маълум қилди вазир.
Олдинроқ ИШИД шаҳарнинг дипломатик даҳасидаги Holey Artisan Bakery ресторанига ҳужум учун жавобгарликни ўз зиммасига олган ҳамда теракт чоғида 20 киши ўлдирилганини маълум қилганди.
Полиция ҳужумни уюштирган беш кишининг фотоси ва исм-шарифини ошкор этди. Ҳуқуқ-тартибот идораларига кўра, улар ўз оилалари билан бир неча ой давомида боғланмаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)