Қуролли кишилар гуруҳи Бангладеш пойтахти Дакканинг дипломатик даҳасидаги ресторанга ҳужум уюштирди, дея хабар бермоқда «ТАСС». Портлаш ва гаровга олинганлар ҳақида расман тасдиқланмаган маълумотлар келиб тушмоқда.
Бир неча қуролли киши чет элликлар, жумладан, дипломатлар, шунингдек, Бангладешнинг бадавлат фуқаролари орасида оммабоп бўлган Holey Artisan Bakery ресторанига бостириб кирди. Жангарилар ўт очди.
Маҳаллий ОАВлар хабарларига кўра, ресторан жойлашган туманда портлаш овози эшитилган. Полиция отишма бўлаётган ҳудудни ўраб олди.
Times of India газетаси ёзишича, гаровдагилар орасида хорижликлар бўлиши мумкин.
Изоҳ (0)