Qurolli kishilar guruhi Bangladesh poytaxti Dakkaning diplomatik dahasidagi restoranga hujum uyushtirdi, deya xabar bermoqda “TASS”. Portlash va garovga olinganlar haqida rasman tasdiqlanmagan ma’lumotlar kelib tushmoqda.
Bir necha qurolli kishi chet elliklar, jumladan, diplomatlar, shuningdek, Bangladeshning badavlat fuqarolari orasida ommabop bo‘lgan Holey Artisan Bakery restoraniga bostirib kirdi. Jangarilar o‘t ochdi.
Mahalliy OAVlar xabarlariga ko‘ra, restoran joylashgan tumanda portlash ovozi eshitilgan. Politsiya otishma bo‘layotgan hududni o‘rab oldi.
Times of India gazetasi yozishicha, garovdagilar orasida xorijliklar bo‘lishi mumkin.
Izoh (0)