Туркия ҳукумати Отатурк номли Истанбул халқаро аэропортида содир этилган ва 40 дан ортиқ инсоннинг ҳаётини олиб кетган теракт муносабати билан мамлакатда умуммиллий мотам эълон қилди. Бу ҳақда, NTV телеканалига асосланиб, «ТАСС» хабар бермоқда.
29 июнь, чоршанба куни бутун мамлакат бўйлаб байроқлар туширилиб қўйилади.
Эслатиб ўтамиз, Туркиянинг Истанбул шаҳридаги Отатурк номли халқаро аэропортда содир этилган теракт оқибатида ҳаётдан кўз юмганлар сони 43 нафарга етгани ҳамда улар орасида Ўзбекистон фуқароси борлиги ҳақида хабар берилганди. Жароҳатланганлар сони 147 кишини ташкил қилмоқда. Ўзбекистон Президенти Ислом Каримов терактлар муносабати билан Туркия президенти Ражаб Тоййиб Эрдўғонга ҳамдардлик билдирди.
Изоҳ (0)