28 июнь куни кечаси учта портлаш юз берган Истанбулнинг Отатурк номли халқаро аэропорти қайта ишга тушди. Бу ҳақда, Daily Sabah маълумотига таяниб, «Ведомости» хабар берди.
Москва аэропортларидан Истанбулга рейслар ҳали парвоз қилмади. Шереметьеводан икки рейс маҳаллий вақт бўйича 05:20 да бекор қилинди. «Аэрофлот» авиакомпаниясининг рейсларидан бири Истанбулдаги терактдан сўнг, 00:44 да Москва аэропортига қайтиб келди.
Эслатиб ўтамиз, 28 июнь, сешанба куни Туркиянинг Истанбул шаҳридаги Отатурк номли халқаро аэропортда худкуш террорчилар амалга оширган портлашлар оқибатида 50 га яқин киши ҳалок бўлди, 100 дан ортиқ одам жабрланди.
Изоҳ (0)